Նոր իթթիհադի սպառնալիք

Եթե սեպտեմբերին պաղեստինյան պետությունը չճանաչվի` կսկսվի նոր իթթիհադ. «Մոսկովսկիե նովոստի» թերթին տված հարցազրույցում հայտարարել է ՀԱՄԱՍ շարժման քաղբյուրոյի փոխնախագահ Մուսա Աբու Մարզուկը:

«Մեր պատմության մեջ արդեն երկու իթթիհադ է եղել, եւ ամեն անգամ դրանք եղել են իսրայելցիների անտանելի բռնություններին ժողովրդական դիմադրության հետեւանքը: Եթե բանակցություններն իրենց վերջնականապես սպառեն, եւ ՄԱԿ-ին մեր դիմումն էլ արդյունք չտա, կարծում եմ` նոր իթթիհադ կսկսվի»,- ասել է նա:

Պաղեստինյան ինքնավարության ղեկավար Մահմուդ Աբասը դիմել է ՄԱԿ-ին, որ սեպտեմբերին Անվտանգության խորհուրդը ճանաչի Պաղեստինի անկախությունը:

Մարզուկի կարծիքով`Ռուսաստանը ՄԱԿ-ում կաջակցի պաղեստինցիներին: Դա խոստացել է ՌԴ արտգործնախարար Սերգեյ Լավրովը, թեեւ հավելել է, որ «պաղեստինցիները դրանից առաջ պետք է լուրջ քննարկեն ու ծանրութեթեւ անեն ամեն ինչ` դրական արդյունքներ գրանցելու համար»: