Կիպրահայերն ընտրել են Մահտեսյանին

Կիպրոսահայությունը կայացրեց իր քաղաքական որոշումը: Երեկ կայացած խորհրդարանական ընտրություններում հաղթանակ է տարել անկուսակցական Վարդգես Մահտեսյանը:

Նա առաջ է անցել իր մրցակից Անդրանիկ Աշճյանից` ստանալով գրեթե երկու անգամ ավելի քվե: Այս պաշտոնում պարոն Մահտեսյանն արդեն երկրորդ անգամ է ընտրվում:

Նախորդ տարիներին կիպրահայ համայնքում կատարված աշխատանքներն ու զգալի առաջընթացը ցույց են տվել, որ Վարդգես Մահտեսյանը ոչ միայն փորձառու քաղաքական գործիչ է, լավ դիվանագետ, այլեւ համայնքին նվիրված եւ պատասխանատու անդամ:

Առաջիկա 5 տարիներին Վարդգես Մահտեսյանը կլինի Կիպրոսի օրենսդիր մարմնում հայ համայնքի պետական ներկայացուցիչը, ինչը նշանակում է, որ հենց նրան է իրավունք վերապահված բարձրագույն մարմիններում պաշտպանել կիպրահայության խնդիրներն ու շահերը:

Այսօր Կիպրոսում, ոչ պաշտոնական տվյալներով, ապրում է 4 - 4,5 հազար հայ: