Գյուղմթերքի գները հունիսից կնվազեն

Մրգի վիճակը վատ չէ. ամբողջ հանրապետության մասշտաբով մենք ունենք միջին բերք, հատկապես` ծիրանի մասով. այսօր լրագրողների հետ ճեպազրույցում նշեց ՀՀ գյուղատնտեսության նախարար Սերգո Կարապետյանը:

Հարցին, թե ի՞նչ ազդեցություն կունենա կարկտահարությունը բերքի վրա, Ս. Կարապետյանը նշեց, որ առայժմ տվյալներ չկան, բայց այս պահին ամբողջ հանրապետությունով մեկ անցկացվում է մոնիտորինգ` պատկերացում կազմելու ե'ւ պտղի, ե'ւ աշնանացան ցորենի, ե'ւ գյուղատնտեսական մշակաբույսերի աճի ու քանակի մասին:

Նախարարը նաեւ տեղեկացրեց, որ խաղողի առումով սպասվում է բարձր բերք, աճ կունենանք նաեւ մնացած բուսատեսակների գծով, իսկ հունիսից շուկայում գյուղատնտեսական մթերքների գներն աստիճանաբար կիջնեն: