Միկոյանի թոռը նավահանգիստ է ձեռք բերել

Հեռավոր Արևելքում աճուրդով վաճառված Վանինո նավահանգիստը գնել է Անաստաս Միկոյանի թոռը` Իվանը. տեղեկացնում է «Կոմերսանտը»:

Նավահանգստի` պետությանը պատկանող բաժնետոմսերի 73 տոկոսի վաճառքը մեծ աժիոտաժ է առաջացրել ներդրողների շրջանում: Աճուրդի ժամանակ ավելի քան 700 քայլ է արվել, իսկ գինը հասել է 10,8 մլրդ ռուբլու: Արդյունքում «Սելտեխստրոյ» քիչ հայտնի ընկերությունը, որը ղեկավարում է Անաստաս Միկոյանի թոռը, հետեւում է թողել այնպիսի խոշոր խաղացողների, ինչպիսիք են Օլեգ Դերիպասկան, Գենադի Տիմչենկոն եւ Վլադիմիր Լիսինը:

Սակայն շուկայում համոզված են, որ գնորդն անհրաժեշտ գումար չունի գործարքի համար, եւ սեփականշնորհումը տեղի չի ունենա: