Փոխարժեքներ
22 10 2024
|
||
---|---|---|
USD | ⚊ | $ 387.16 |
EUR | ⚊ | € 419.99 |
RUB | ⚊ | ₽ 4.03 |
GBP | ⚊ | £ 504.2 |
GEL | ⚊ | ₾ 142.18 |
Ազատուհի Մավիսակալյանի պատմությունը
Իզմիր
Հասմիկ Հայրապետյանն ArmenianGenocide100.org-ին է ներկայացնում իր հոր տատիկից լսած պատմությունը: Ազատուհի Մավիսակալյանը պատմել է, որ մինչև Ցեղասպանությունն ապրել են Իզմիր քաղաքում` բազմանդամ ընտանիքում: Ունեցել են մեծ կալվածքներ, 40 թուրք մշակ:
«Հայրիկիս տատիկը` Ազատուհի Մավիսակալյանը, պատմում էր, որ մինչև Ցեղասպանությունն ապրում էին Իզմիր քաղաքում, բազմանդամ ընտանիքում: Ունեցել են մեծ կալվածքներ, 40 թուրք մշակ: Մի գիշեր թուրքերը հարձակվում են տան վրա, տատիկս այդ ժամանակ հոր գրկում է լինում, նրան շպրտում են գետնին և ընտանիքի անդամների աչքի առաջ սպանում են հորը:
Մայրը 4 երեխաների հետ բռնում է գաղթի ճանապարհը: Լույսը բացվելուն պես թուրք զինվորներց մեկը (նախկին մշակը) ճանաչում է Վարդանուշ խանմին և ճանապարհը շեղելով հասցնում նավահանգիստ, որտեղ էլ նստում են Հունաստան գնացող նավը, այնտեղից էլ գնում են Ֆրասնիա»: