ԺԱՄԱՆԱԿ. Թուրքիային` 21 օր

Թուրքական Hurriyet Daily News and Economic Review-ի փոխանցմամբ` ամերիկյան դատարանը 21 օր է տվել Թուրքիային` պատասխանելու Հայոց ցեղասպանության զոհերի երեք ամերիկահայ ժառանգների ներկայացրած դատական հայցին:

Ալեքս Բաքալյանը, Անաիս Հարությունյանը եւ Ռիտա Մահտեսյանն այդ դատական հայցը ներկայացրել են 2010 թվականի դեկտեմբերին: Նրանք պնդում են, որ Հայոց Ցեղասպանության արդյունքում իրենք զրկվել են Ադանայի նահանգում իրենց պապերին պատկանած 49,5 հա հողատարածքից, որում այժմ գտնվում է Ինջիրլիքի ամերիկյան ռազմաբազան: Դրա համար նրանք Թուրքիայի կենտրոնական եւ Ziraat (Գյուղատնտեսական) բանկերից պահանջում են 63,9 միլիոն դոլարի փոխհատուցում: