168 ԺԱՄ. Երկաթահանքի գեներալը

Սոցիալական ցանցերում հայտնվել մի տեղեկություն, ըստ որի` ՀՀ էներգետիկայի եւ բնական պաշարների նախարար Արմեն Մովսիսյանը Իսպանիայի Վալենսիա քաղաքում 3,2 մլն դոլար արժողությամբ առանձնատուն է գնել:

Բացի այդ, ըստ նույն տեղեկությունների, նա երկու տարի առաջ ձեռք է բերել Ուկրանիայի խոշոր արդյունաբերական քաղաքներից մեկի` Դնեպրոպետրովսկի Բաբուշկինայի անվան երկաթամշակման գործարանի բաժնետոմսերի 80 տոկոսը:

Երեկ մեր թերթի թղթակցի հետ զրույցում Արմեն Մովսիսյանը, բնականաբար, հերքել է այդ տեղեկությունները` ասելով այն, ինչ պաշտոնյանները սովորաբար ասում են նման դեպքերում. «Առաջին անգամ եմ լսում, հենց ունենամ` կեսը կտամ ձեզ»:

Սակայն մեր աղբյուրները պնդում են, որ Արմեն Մովսիսյանն իսկապես ուկրանիական այդ գործարանի սեփականատերերից է, սակայն նրան է պատկանում բաժնետոմսերի ոչ թե 80, այլ 20 տոկոսը:

Նշենք, որ վերը նշված երկաթավերամշակման գործարանը արտադրում է արդյունաբերական եւ կենցաղային նշանակության մետաղական կոնստրուկցիաներ, որոնք օգտագործվում են նաեւ կամուրջների կառուցման, մեքենաշինության ոլորտներում: