Մեքենան ընկել է Հրազդան գետը

Երեկ` ժամը 13.33-ին, Երևանի Հրազդանի կիրճում` Դավթաշենի կամրջի հարակից տարածքում, ավտոմեքենա է շրջվել:

Ահազանգով դեպքի վայր են մեկնել փրկարական ուժերի վարչության հատուկ փրկարական ջոկատի հերթապահ խումբը, ճգնաժամային կառավարման կենտրոնի օպերատիվ խումբը (պարամեդիկներով):

Ինչպես տեղեկացնում է «Արտակարգ ալիքը», դեռևս չպարզված հանգամանքներում «Մերսեդես» մակնիշի 05 ՕՏ 597 պետհամարանիշով ավտոմեքենան դուրս է եկել երթևեկելի մասից,  շրջվել ու ընկել Հրազդան գետը: Վարորդը` 1992թ. ծնված Անանիա Հարությունյանը, ստացել է թեթև մարմնական վնասվածքներ և մինչ փրկարարների ժամանելը տեղափոխվել է «Արմենիա» բժշկական կենտրոն, որտեղ ստացել է առաջին բուժօգնությունը և դուրս գրվել: