"Ռեալը" պահանջում է պատժել "Բարսային"

ՈւԵՖԱ-ի ներկայացուցիչները հայտարարել են, որ Մադրիդի «Ռեալը» պահանջում է պատժել «Բարսելոնայի» 6 ֆուտբոլիստների և թիմի մարզիչ Պեպ Գվարդիոլային:

Հիշեցնենք, որ Չեմպիոնների լիգայի առաջին կիսաեզրափակիչ հանդիպումից հետո երկու ակումբներն էլ նամակներով դիմել էին ՈւԵՖԱ-ի կարգապահական կոմիտե: Կատալոնացիները պահանջել էին պատժել արքայականի գլխավոր մարզիչ Ժոզե Մոուրինիոյին վերջինիս հայտարարությունների համար: 

«Ռեալն» իր հերթին պահանջում է ոչ մարզական պահվածքի համար երկու խաղով  որակազրկել Դանիել Ալվեշին, Պեդրո Ռոդրիգեսին և Սերխիո Բուսկետսին:  Իսկ Խոսե Մանուել Պինտոյին, Վիկտոր Վալդեսին և Սեյդու Կեյտային  պահանջում են որակազրկել մեկ խաղով:

Բացի այդ, «Ռեալի» ներկայացուցիչները խնդրում են պատժամիջոցներ կիրառել Գվարդիոլայի նկատմամբ, քանի որ կատալոնացիների գործողությունները պայմանավորված են իրենց մարզչի ցուցումներով: