«Ռեալը» պատրաստ է գնել Ագուերոյին

Իսպանական մամուլը հայտնում է, որ Մադրիդի «Ռեալը» պատրաստվում է առաջիկա ամռանը հրաշալի գործարք իրականացնել: Ակումբը մտադիր է թիմ հրավիրել «Աթլետիկոյի» հարձակվող Սերխիո Ագուերոյին:

Հունվարի վերջին ակումբն արգենտինացի հարձակվողի հետ պայմանագիր է կնքել` մերժելով անգլիական Պրեմիեր լիգայի գրանդ ակումբների շռայլ առաջարկները:

Հասկանալով Էնրիկե Սերեսոյի և Կոյի անզիջողականությունը` «Ռեալի» նախագահ Ֆլորենտինո Պերեսը պատրաստ է առաջարկել 28 մլն եվրո, ինչպես նաև Ալվարո Նեգրոդին, ով ներկա պահին ելույթ է ունենում «Սևիլիայում»: Երբ իսպանացին լքում էր «Ռեալը» 2009-ին, ակումբները պայմանավորվել էին, որ Ալվարոն կարող է վերադառնալ մայրաքաղաք 17 մլն եվրոյով: Այս կետի ժամկետը լրանում է 2011-ի ամռանը:

Իսպանական Marca-ի տեղեկություններով` Ագուերոյին ձեռք բերելու համար սահմանված է 45 մլն եվրո, ինչը համապատասխանում է «Ռեալի» առաջարկին: