Թայսո՞նը, թե՞ Կլիչկոն

Բռնցքամարտի երկու երկրպագուների բանավեճը Տյումենում ողբերգության է հանգեցրել. 56-ամյա Նիկոլայ Մակեևը սպանել է իր զրուցակցին. հաղորդում է gazeta.ru-ն:

Սեղանի շուրջ Մակեևն ու մի երիտասարդ սկսել են վիճել, թե ով է ավելի ուժեղ` Թայսո՞նը, թե՞ Կլիչկոն, ընդ որում` պարզ չէ, թե որ Կլիչկոյի մասին էր խոսքը: Մակեևը հայտարարել է, որ Թայսոնն այդ մենամարտում հաղթող դուրս կգար, ինչից հետո նրա զրուցակիցը մեղադրել է Մակեևին հայրենասիրություն չդրսևորելու մեջ:

Մակեևին դա դուր չի եկել, և նա դանակով մի քանի մահացու հարված է հասցրել երիտասարդի մեջքին: Հանցագործը վիրավորել է նաև երրորդ անձի, որը փորձել է կանգնեցնել նրան:

Մարդասպանը ձերբակալվել է և ենթարկվել քրեական պատասխանատվության: