Կլիչկոն կոչ է արել Տիմոշենկոյին` չմասնակցել նախագահական ընտրություններին

Ուկրաինայի  УДАР կուսակցության ղեկավար Վիտալի Կլիչկոն կոչ է արել նախկին վարչապետ Յուլյա Տիմոշենկոյին` չառաջադրվել Ուկրաինայի նախագահի պաշտոնում: Այդ մասին նա գրել է գերմանական Bild պարբերականի համար հոդվածում. հայտնում է Украинская правда-ն:

«Հարցումների համաձայն` Պյոտր Պորոշենկոն այս պահի դրությամբ  առավել շատ աջակցությունն է վայելում, և հենց այդ պատճառով եմ ես նրան աջակցում: Յուլյա Տիմոշենկոն նույնպես պետք է պատասխանատվություն ստանձնի և աջակցի Պորոշենկոյին»,- գրել է նա:

Կլիչկոն նաև նշել է, որ իր  բոլոր խոստումները, որոնք նախկինում տվել է ընդդիմությունը, կկատարի Կիևի քաղաքապետի պաշտոնում:

Նշենք, որ Կլիչկոն հանել էր իր թեկնածությունը և աջակցություն հայտնել Պորոշենկոյին: Կլիչկոն համարում է, որ բոլոր դեմոկրատական կուսակցությունները պետք է միասնական թեկնածու առաջադրեն: