Կլիչկոն` Կիևի քաղաքապետի թեկնածու

Ուկրաինական «ՈՒԴԱՌ» կուսակցության մամուլի ծառայությունից հայտնում են, որ Կիեւի քաղաքային կազմակերպության խորհրդաժողովը կուսակցության ղեկավար Վիտալի Կլիչկոյին առաջադրել է Կիեւի քաղաքապետի պաշտոնում:

Այս կապակցությամբ Կլիչկոն արդեն հանդես է եկել հայտարարությամբ, որում, մասնավորաբար, ասել է. «Մեր առաջին գերակա խնդիրը կոռուպցիայի դեմ պայքարն է: Այսինքն` ե'ւ Կիեւի թափանցիկ բյուջեն է, ե'ւ կոռումպացված պաշտոնյաներին աշխատանքից ազատելը: Մայրաքաղաքում իշխանությունը պետք է ենթակա լինի հանրությանը: Երկրորդ գերակայությունը ներդրումների ներգրավումն է` ինչպես ուկրաինական, այնպես էլ օտարերկրյա: Երրորդ՝ Կիեւի բյուջեի ուղղումը կիեւցիների կարիքներին»:

Նախկին բռնցքամարտիկը նաև ընդգծել, որ իր խնդիրն է Կիեւը դարձնել եվրոպական քաղաք: