Էդգար Գևորգյանը 7-րդն է

Ծանրամարտի Եվրոպայի առաջնությունում պայքարն ավարտեցին 85 կգ քաշայինները: Հայաստանը ներկայացնում էր Էդգար Գևորգյանը: Պոկում վարժությունում ցույց տալով 165 կգ, իսկ հրում վարժությունում` 185 կգ արդյունք, մեր ծանրորդը` երկամարտի 350 կգ արդյունքով, զբաղեցրեց միայն 7-րդ հորիզոնականը:

Չեմպիոնի և փոխչեմպիոնի տիտղոսները նվաճեցին Ռուսաստանի ներկայացուցիչները: Ալեքսեյ Յուֆկինը երկամարտի 385 կգ (170+215) արդյունքով գրավեց առաջին տեղը, Ապտի Աուխադովը գրանցեց նույն արդյունքը, սակայն պարտվեց ավելի անձնական քաշի պատճառով:

Վաղը պայքարի մեջ կմտնեն տղամարդկանց 94 և 105 կգ քաշային կարգի ծանրորդները: 94 կգ քաշային կարգում Հայաստանը ներկայացնելու է Գևորգ Պողոսյանը, իսկ 105 կգ քաշային կարգում` Արթուր Բաբայանը: