Էլինա Դանիելյանը 2-րդն էր

Դոհայում ավարտվեց ՖԻԴԵ-ի Գրան պրիի վերջին` 6-րդ մրցաշարը: Ավարտական մրցափուլից առաջ մրցաշարի առաջատար Էլինա Դանիելյանը կես միավորով գերազանցում էր ֆրանսուհի Սեբագին և հնդկուհի Կոներուին: Սակայն աշխարհի նախկին չեմպիոնուհի Անտուանետա Ստեֆանովայի հետ մրցելույթում 28-րդ քայլին պարտիան ոչ ոքի ավարտվեց: Էլինային գերազանցեց Հումփի Կոներուն, ով սև խաղաքարերով առավելության հասնել Չժու Չենի նկատմամբ:

Այսպիսով, վերջինս լրացուցիչ ցուցանիշներով գերազանցեց մեր հայրենակցուհուն: Էլինա Դանիելյանը և Հումփի Կոներուն 11 մրցափուլերում վաստակեցին 8-ական միավոր:

Ստորև ներկայացնում ենք մասնակիցների վերջնական արդյունքները. Էլինա Դանիելյան, Հումփի Կոներու` 8, Մարի Սեբագ` 7,Պիա Կրամլինգ, Մայա Չիբուրդանիձե, Նանա Ձագնիձե` 5,5 , Սյու Յուհուա, Բաթհույագ Մոնղոլթուլ 5, Լիլիթ Մկրտչյան, Մարթա Ֆիերո` 4,5, Անտուանետա Ստեֆանովա, Չժու Չեն` 3,5: