Շվարցենեգերի կինը դուրս է շպրտել Բրեժնեւին եւ Անդրոպովին

Հոլիվուդյան հայտնի դերասան, Կալիֆոռնիայի նախկին նահանգապետ Առնոլդ Շվարցենեգերը ստիպված է եղել բաժանվել խորհրդային առաջնորդների կիսանդրիների հավաքածուից, որոնց այլեւս  տանը չէր ցանկանում տեսնել նրա կինը՝ Մարիան:

Դերասանը պատմել է, որ 90-ականներին բոդիբիլդինգի իր ռուս ընկերները հուշանվեր էին ուղարկել՝ Լենինի կիսանդրին, որով էլ դրվել էր հավաքածուի հիմքը, այնուհետեւ դրան ավելացել էին Բրեժնեւի, Անդրոպովի եւ խորհրդային մյուս առաջնորդների կիսանդրիները:

«Մարիային թվում էր՝ խելքս թռցրել եմ: «Ինչո՞ւ են խորհրդային արձանները հայտնվել մեր լողավազանի մոտ»,- ասաց կինս ու տարավ դրանք այդտեղից»,- պարզաբանել է մարտաֆիլմերի հերոսը:

Այդուհանդերձ, Շվարցենեգերին հաջողվել է պահպանել հավաքածուի առավել հիշարժան օրինակը՝ Լենինի ոչ մեծ կիսանդրին: