Լոլիկն էժան կլինի, կարտոֆիլը` դժվար թե

«Մենք 500 հա-ի համար լոլիկի սերմ ենք անվճար բաժանել գյուղացիներին: Կտեսնեք, որ լոլիկն այս տարի էժան կլինի»,- այսօր լրագրողներին հավաստիացրեց Հայաստանի ագրարագյուղացիական միավորման նախագահ Հրաչ Բերբերյանը` պարզաբանելով, որ անցյալ տարի գյուղացին նույնիսկ սերմ գնելու գումար չուներ, ինչով էլ պայմանավորված էր լոլիկի բարձր գինը:

Խոսելով կարտոֆիլի բերքատվության մասին` Բերբերյանը նշեց, որ նախորդ տարի 50 հազար տոննա կարտոֆիլի սերմացու պարզապես փչացավ պահեստներում, ինչի արդյունքում այս տարի կարտոֆիլը վաճառվում է 400 դրամով: Բերբերյանի խոսքերով` այս վիճակը կշարունակվի եւս երկու տարի:

«2000 տոննա կարտոֆիլի տնկանյութ է ներկրվում հանրապետություն, որից 300-ը` էլիտար դասի: Կփորձենք կայունացնել, 2-3 տարում բերել նախկին տարիների վիճակին»,- խոստացավ նա: