ԼՂՀ նախագահի հանդիպումները Փարիզում

ԼՂՀ նախագահ Բակո Սահակյանը մարտի 6-ին աշխատանքային այցով ժամանել է Փարիզ:

Ինչպես հայտնում է նախագահի աշխատակազմի տեղեկատվության գլխավոր վարչությունը, նույն օրը երկրի ղեկավարն այցելել է Սուրբ Հովհաննես Մկրտիչ Մայր տաճար եւ մասնակցել այնտեղ անցկացված հոգեւոր արարողությանը, հանդիպել է Հայ Առաքելական եկեղեցու Ֆրանսիայի թեմի առաջնորդ Նորվան արքեպիսկոպոս Զաքարյանի հետ: Հանդիպման ընթացքում քննարկվել են հայրենիք-սփյուռք, ինչպես նաեւ Արցախի ներքին եւ արտաքին քաղաքականությանը վերաբերող հարցեր:

Նույն օրը Բակո Սահակյանը հանդիպում է ունեցել նաեւ «Սատար Ղարաբաղի» միության վարչական անդամների հետ եւ քննարկել  է կազմակերպության հետ համագործակցությանն առնչվող հարցեր: