ՊԵԿ նախագահի հանդիպումները Մոսկվայում

ՊԵԿ նախագահ Վարդան Հարությունյանը նոյեմբերի 15-ին Մոսկվայում մասնակցել է Եվրասիական տնտեսական միության անդամ պետությունների հարկային և մաքսային ծառայությունների ղեկավարների հանդիպմանը: 

Այս մասին հայտնում են ՀՀ ՀՀ ԿԱ պետական եկամուտների կոմիտեի տեղեկատվության և հասարակայնության հետ կապերի բաժնից։

Քննարկվել են Ռուսաստանի Դաշնությունում հարկային մարմինների տեղեկատվական ենթակառուցվածքների ստեղծման շրջանակում փորձի փոխանակմանն առնչվող հարցեր: Ներկայացվել են նաև ապրանքների պիտակավորման նախագծերը, հսկիչ-դրամարկղային մեքենաների օգնությամբ հաշվարկների, ավելացված արժեքի հարկի հսկողության ավտոմատացված համակարգերը: 

Հանդիպմանն անդրադարձ է եղել հարկ վճարողների համար էլեկտրոնային ծառայությունների, ինչպես նաև հարկային տեղեկատվության ավտոմատացված փոխանակման շրջանակում վերջին նախաձեռնություններին՝ հաշվետվության Միասնական ստանդարտի ներդրման և միջպետական հաշվետվության փոխանակման գործընթացին: