ԼՂՀ նախագահը աշխատանքային այցով Փարիզում է

Արցախի Հանրապետության նախագահ Բակո Սահակյանը նոյեմբերի 21-ին աշխատանքային այցով ժամանել է Փարիզ:

Նույն օրը երկրի ղեկավարն այցելել է «Հայաստան» համահայկական հիմնադրամի  «Հեռուստամարաթոն-2013»-ի շրջանակներում ընթացող համաեվրոպական հեռախոսամարաթոնը կազմակերպող գլխավոր գրասենյակ:

Նախագահ Սահակյանը երախտագիտություն է հայտնել «Հայաստան» համահայկական հիմնադրամի Ֆրանսիայի գրասենյակի ողջ անձնակազմին` հիմնադրամի Ֆրանսիայի մասնաճյուղի տնօրեն Պետրոս Թերզյանի գլխավորությամբ, բոլոր կամավորներին, ովքեր անմիջական մասնակցություն են ունենում հեռախոսամարաթոնին` ընդգծելով, որ Եվրոպայի հայությունը միշտ եղել է Արցախի կողքին` ըստ ամենայնի սատարելով  հանրապետությանը: