Ժիրայր Հովհաննիսյան` ըմբշամարտի Հայաստանի առաջնության չեմպիոն

- Ժիրա՛յր, նախևառաջ շնորհավորում եմ հաղթանակիդ կապակցությամբ: Կարո՞ղ ես հիշել` որերորդ հաղթանակդ է Հայաստանի առաջնությունում:

- Ճիշտն ասած դժվարանում եմ հիշել, 5 կամ 6-րդը երևի:

- Իսկ ո՞ր թվականից ես Հայաստանի առաջնությունում 66 կգ քաշային կարգում հանդես գալիս:

- 66 կգ քաշային կարգում հանդես եմ գալիս 2003թ.-ից:

- Դու հանդիսանում էիր առաջնության ֆավորիտ, պատասխանատվությունը մե՞ծ էր:

- Հա, իհարկե, մեծ էր, որովհետև եթե ֆավորիտ ես` պատասխանատվությունը մեծ է, որպեսզի կարողանաս հաջող հանդես գալ և արդարացնել քեզ քո հանդիսատեսի և մարզչիդ համար:

-Կարո՞ղ ես նշել, թե որ մրցակցիդ հետ ավելի դժվար մենամարտեցիր, եթե այդպիսի մեկը եղավ:

- Այն մրցակիցը, որին ես նախատեսել էի, որ եզրափակիչում կհանդիպենք պարտվեց...

- Ո՞վ էր: 

- Համազասպը, ազգանունը չեմ հիշում: (Համազասպ Հովսեփյանը)

- Իսկ հետագա պլաններդ որո՞նք են:

- Ուսումնամարզական հավաքներ կունենանք, մրցումներ կլինեն, կգնանք, կպատրաստվենք...

- Իսկ Եվրոպայի, թե՞ աշխարհի առաջնություն...

- Եվրոպայի առաջնությունը կլինի սկզբից, սակայն մինչ այդ 4 մրցաշար ունենք, հետագայում Ստամբուլում մրցումներ կլինեն և գնալով կպատրաստվենք Եվրոպայի առաջնությանը:

- Շնորհակալություն զրույցի համար:

- Ձեզ էլ եմ շնորհակալ:

Ժիրայր Հովհաննիսյանի հաղթական մենամարտը կարող եք դիտել այստեղ: