Թռչունների զանգվածային անկման առեղծվածը

Սյաոցին գետի եզերքին, Պեկինից ոչ հեռու, հայտնաբերվել են տասնյակ սատկած թռչուներ: Սանիտարահամաճարակային կենտրոնի աշխատակիցները թռչունների մեջ վարակիչ հիվանդություններ չեն հայտնաբերել: Սատկած թռչուների մեջ կան ինչպես բադեր ու կաչաղակներ, այնպես էլ սեւ կեռնեխներ: Վարկածներից մեկի համաձայն, թռչունների զանգվածային անկման պատճառը ցուրտ եղանակն է եւ սննդի պակասը, թռչնաբանները, սակայն, առայժմ չեն կարողացել հաստատել այդ կարծիքը:

Երկրագնդի տարբեր հատվածներում թռչունների զանգվածային անկման  մասին տեղեկությունները լրատվամիջոցներում հայտնվում են 2010-ի դեկտեմբերի վերջից սկսած: Այսպես, Արկանզաս նահանգում մոտ երեք հազար կեռնեխ է սատկել: Վարկածներից մեկով` թռչունները խլացել են Ամանորի հրավառություններից: Մի քանի օր անց տասնյակ սատկած արջնագռավներ հայտնաբերվեցին նաեւ Շվեդիայում, իսկ հետո թռչունների զանգվածային ոչնչացում գրանցվեց Իտալիայում: