Վթարային ճանապարհներ չկան

«Այսօր կարող ենք ասել, որ միջպետական եւ հանրապետական մեր ճանապարհների վրա վթարային տեղամասեր չունենք»,- այսօր լրագրողների հետ հանդիպման ժամանակ ասաց ՀՀ տրանսպորտի եւ կապի նախարար Մանուկ Վարդանյանը:

Այս տարվա ընթացքում վերանորոգվել է մոտ 350 կմ երկարության ճանապարհահատվածներ, որից 224 կմը-ը` վարկային միջոցներով, իսկ 126-ը պետական բյուջեի ֆինանսավորմամբ:

Կառավարության պահուստային ֆոնդից հատկացված է եղել 5.5 միլիարդ դրամ`ճանապարհների հույժ վթարային տեղամասերը եւ կամուրջները վերականգնելու համար:

Այս աշխատանքների ժամանակ տնտեսվել է 860 միլիոն դրամ, որը հատկացվել է Երեւան-Սեւան, Երեւան-Գյումրի, Հալիձոր-Տաթեւ եւ այլ ճանապարհահատվածների ու կամուրջների վերանորոգմանն ու կահավորմանը.

«Անհարամար է, որ մեր միջպետական ճանապարհների վրա լիարժեք ցուցանակներ չունենք:  Այսօր կարող եմ զեկուցել, որ թե Երեւան-Իջեւան ուղղությամբ, թե Երեւան-Մեղրի ճանապարհահատվածների վրա շուտով տեղադրված կլինեն ցուցանակները»,- ասաց նախարարը:

Այս տարվա ընթացքում հիմնովին վերանորոգվել է ութ կամուրջ, որի համար ծախսվել է 372.7 միլիոն դրամ: