Հայոց ցեղասպանության բանաձեւը Կոնգրեսի լիագումար նիստի օրակարգ չի մտել

Հայոց ցեղասպանության վերաբերյալ 252 բանաձեւի նախագիծը այսօր չի ներառվել ԱՄՆ Կոնգրեսի Ներկայացուցիչների պալատի լիագումար նիստի օրակարգում։ Այս մասին տեղեկացնում է Zaman-ը։ CNNTurk-ը նշում է, որ այն չի ներառվելու լիագումար նիստի պաշտոնական օրակարգում։

ԱՄՆ Ներկայացուցիչների պալատի խոսնակ Նենսի Փելոսին պատրաստվում էր դեկտեմբերի 18–ին Հայոց ցեղասպանության վերաբերյալ 252 բանաձևը մտցնել Կոնգրեսի Ներկայացուցիչների պալատի լիագումար նիստի օրակարգ։ Սակայն դա տեղի չունեցավ նշված օրը, իսկ Կոնգրեսի աշխատանքները երկարաձգվեցին, որից հետո հայտարարվեց, թե Հայոց ցեղասպանության բանաձևը, ամենայն հավանականությամբ, լիագումար նիստի օրակարգում կհայտնվի դեկտեմբերի 21-ին, այսինքն՝ այսօր։