Դուք հիմա անհոգ ջազ եք լսում, որ վաղը միանաք պայքարին․ այլապես, հաջորդ տարի նույն տեղում ջազ լսելու հնարավորություն, վախենամ՝ չունենաք

ՀՀ ԱԺ «Հայաստան» խմբակցության պատգամավոր, ՀՅԴ Տավուշի Մարզային կոմիտեի ներկայացուցիչ Գառնիկ Դանիելյանի օգնական Մարիամ Այդինյանը գրում է։

«Եկա, տեսնեմ՝ Երևանում երիտասարդները ջազ են լսում, փառատոնի մասնակցում։ Հրաշալի է։ Լիցքավորվեք էներգիայով, որ միանաք հայրենիք ունենալու պայքարին։

Վստահ եմ, որ դուք էլ եք անհանգստացած Կիրանցի, Ոսկեպարի, Բերքաբերի, Ազատամուտի և Տավուշի մյուս գյուղերի հայկական մնալու հարցով։

Դուք էլ եք ուզում, որ Կիրանցի փոքրիկը դպրոց գնալու ճանապարհին չհանդիպի ադրբեջանցիներին։

Դուք էլ եք ուզում, որ հայկական գյուղերը չկիսվեն, և որ մեզ ատող մարդիկ չտեղավորվեն մի քանի մետր այն կողմում։

Դուք հիմա անհոգ լսում եք ջազ, որ եթե ոչ այսօր, վաղը միանաք պայքարին․ այլապես, հաջորդ տարի նույն տեղում ջազ լսելու հնարավորություն, վախենամ՝ չունենաք»։