Հիմա էլ «Վիշապի կոթողներ»-ը

Այսօր մի խումբ կամավորականներ հավաքվել են «Վիշապի կոթողներ» պուրակում, մաքրել են տարածքը, շինարարության համար արված փոսերը լցրելե են հողով, նոր փոսեր են փորել` վաղվա ծառատունկի համար: Ինչպես տեղեկացնում է «Էկոլուր» կայքը, բնապահպանության նախարարությունը 100 ծառ է տրամադրել՝ պուրակում տնկելու համար:

Նոյեմբերի 30-ին փորձ է արվել ծանր տեխնիկա մտցնել այգու տարածք, սակայն նախարարության բնապահպանական պետական տեսչության Երևանի տարածքային բաժնի աշխատակիցներն արգելել են: Տեսչության կողմից արգելվել է նաև այգու միջով տեղափոխել գազի խողովակաշարը:

Ներկայումս նախարարության աշխատակիցները հսկողություն են իրականացնում այգու տարածքում, որպեսզի ծառեր չհատվեն: