Ա.Սաֆարյանը վերահաստատում է` կոալիցիայում քննարկումներ եղել են

«Ես ոչ մի վրիպում էլ թույլ չեմ տվել» ԵՐԿՐԻ հետ զրույցում ասաց ԲՀԿ խմբակցության քարտուղար Արամ Սաֆարյանը, մեկնաբանելով ՀՀԿ-ական Ռաֆիկ Պետրոսյանի մեղադրանքը այն մասին, որ Սաֆարյանը վրիպում է թույլ տվել, ասելով որ կոալիցիայում քնարկվել է քաղբանտարկյալներին ազատ արձակելու հնարավորության հարցը:

«Մինչև եկող տարվա սկիզբ մենք պետք է ունենանք համաձայնեցված ասելիք, որ պետք է ներկայացնենք ԵԽ Մարդու իրավունքների գլխավոր հանձնակատար Թոմաս Համարբերգին եւ Հայաստանի հարցով համազեկուցող Ջոն Պրեսկոտին»,- տեղեկացրեց Արամ Սաֆարյանը:

Նա վերահաստատեց, որ խորհրդարանում այս թեմայով աշխատանքային քննարկումներ եղել են, որին մասնակցել են բոլոր հետաքրքրված կողմերը: