Աշխարհի ցանկացած երկիր կարող է դառնալ Արևմուտքի կողմից կազմակերպվող գունավոր հեղափոխությունների զոհ․ Լավրով

Աշխարհի բացարձակապես ցանկացած երկիր կարող է դառնալ Արևմուտքի կողմից կազմակերպվող գունավոր հեղափոխությունների և նրա աշխարհաքաղաքական էքսպանսիայի զոհը։ Այս մասին հայտնել է ՌԴ ԱԳ նախարար Սերգեյ Լավրովը՝ ելույթ ունենալով ՀԱՊԿ-ի, ԱՊՀ-ի և ՇՀԿ-ի՝ Կենտրոնական Ասիայում և Աֆղանստանում անվտանգության հարցերին նվիրված համաժողովում, հաղորդել է ՏԱՍՍ-ը։

«Արևմուտքի աշխարհաքաղաքական էքսպանսիայի և Արևմուտքի կողմից կազմակերպվող գունավոր հեղափոխությունների զոհ կարող է դառնալ աշխարհի բացարձակապես ցանկացած երկիր, այդ թվում՝ նաև մեր գործընկերները Կենտրոնական Ասիայում, — ընդգծել է նա։ — Մեր մի շարք հարևանների նկատմամբ նման փորձեր արդեն ձեռնարկվել են, որոնք հաջողվել է կանխել»։