Կիևը ծրագրել էր սպանել Ռուսաստանի նոր տարածաշրջաններից մեկի ղեկավարին. ԱԴԾ

ՌԴ անվտանգության դաշնային ծառայությունը Ղրիմում ահաբեկչություն է կանխել, 2 ռուսաստանցի է ձերբակալվել, որոնք պատրաստվում էին սպանել նոր տարածաշրջաններից մեկի ղեկավարին և ահաբեկչություն իրականացնել կարևոր ենթակառուցվածքային օբյեկտներում։

Նշվում է, որ Ուկրաինայի հատուկ ծառայությունները հավաքագրել են 1992 և 1999 թվականներին ծնված տղամարդկանց։ Կիևի գործակալները սկզբում տեղեկություններ են հավաքել Ղրիմում գտնվող ռուսական զորքերի ստորաբաժանումների վերաբերյալ, այնուհետև նրանց հրահանգել են այնտեղ ահաբեկչություն իրականացնել։

Խուզարկության ընթացքում ձերբակալվածների մոտ հայտնաբերվել է 3 FPV դրոն` հագեցած մարտական լիցքերով (յուրաքանչյուրը` 350 գրամ պլաստիկ պայթուցիկ նյութով), ինչպես նաև ինքնաշեն ռումբ՝ 800 գրամ պայթուցիկ զանգվածով: