ԱԴԾ հարբած աշխատակիցը Սանկտ Պետերբուրգում հայ է սպանել

Հոկտեմբերի 28-ի գիշերը Անվտանգության դաշնային ծառայության աշխատակիցը Սանկտ Պետերբուրգում գնդակահարել է մի հայի:

Lenta.ru-ն տեղեկացնում է, որ ԱԴԾ-ի երկու հարբած աշխատակիցներ իրենց պահվածքով անհանգստացրել են Սրեդնեօխոտինսկի պողոտայի անցորդներին, այդ թվում` Զվիադ Խաչատրյանին, որը փորձել է կարգի հրավիրել նրանց: ԱԴԾ աշխատակիցները սկզբում ծեծել են տղամարդուն, ապա նրանցից մեկը, հանելով իր «Օսա» պնեւմատիկ ատրճանակը, կրակել է Խաչատրյանի գլխին:

Մոտակայքով անցնող ոստիկանական մեքենան ձերբակալել է հարբածներին: Խաչատրյանին տեղափոխել են հիվանդանոց, որտեղ նա մահացել է:

«Ինտերֆաքսի» տվյալներով` միջադեպին Խաչատրյանի կողմից մի տղամարդ էլ է մասնակցել, սակայն նրա մասին որեւէ տեղեկություն չկա: