Երկրի ղեկավարը, ով սկսում է շանտաժի դիմել, ուղղակի անեծք է այդ երկրի համար. Արա Պողոսյան

Քաղաքագետ Արա Պողոսյանը գրում է.

«Այս մտքի մեջ է քաղաքական մտքի ամբողջ սնանկությունը։

Երկրի ներսում դու կարող ես քո ժողովրդին շանտաժի ենթարկել, ահաբեկել, վախեցնել` Ռուսաստանով, Թուրքիայով, Ադրբեջանով, հիբրիդային պատերազմով, նախկիններով, թալանով ու այլմոլորակայիններով, բայց արտաքին քաղաքականության մեջ դա չի անցնում, ավելին` հակառակ ազդեցությունը կարող է թողնել։

Երկրի ղեկավարը, ով խնդիրները համապարփակ վերլուծելու և լուծումներ առաջարկելու փոխարեն սկսում է շանտաժի դիմել, կամ այսրոպեական, ցայտնոտային լուծումներ է միայն կարողանում գտնել, նա ուղղակի անեծք է այդ երկրի համար։

Միջազգային հարաբերությունները փորձերի մասին չեն, այլ ազգային շահի սպասարկման մասին են։ Իսկ ազգային շահը հնարավոր է սպասարկել ո'չ թե ռեակտիվ, իմպուլսիվ և ցայտնոտային քաղաքականության միջոցով, այլ մտածված, որպես արտաքին քաղաքականություն` երկարաժամկետ հեռանկարի համար օպերացիոնալիզացված է իր հասկացութային ամբողջ բազիսով, որտեղ հստակ են ազգային շահը, ազգային շահի ներքին և արտաքին շրջանակները, դրա լեգիտիմությունն ամբողջ հասարակության համար և այն որպես քաղաքականություն` հայեցակարգված է»։