Վրաստանում արդեն 2-րդ օրն անընդմեջ լայնածավալ հոսանքազրկումներ են

Վրաստանում 2 օրվա մեջ 2–րդ մասշտաբային բլեքաութն է տեղի ունեցել. հուլիսի 24-ի լույս 25–ի գիշերն առանց լույսի է մնացել ամբողջ երկիրը։ Այս մասին հայտնում են վրացական լրատվամիջոցները։

Սակայն Վրաստանի Վրաստանի պետական էլեկտրահամակարգի տարածած հայտարարության համաձայն` Էլեկտրամատակարարման վթարային անջատումից կարճ ժամանակ անց Թբիլիսիի և տարածաշրջանների մեծ մասում էլեկտրամատակարարումն աստիճանաբար վերականգնվել է։

Նրանց տեղեկացմամբ՝ վերականգնողական աշխատանքները շարունակվում են, և ամբողջական վերականգնումը կավարտվի հնարավորինս կարճ ժամկետում։

«Զուգահեռաբար ընթանում է վթարի հստակ պատճառների պարզում, ինչի մասին հանրությանը լրացուցիչ տեղեկատվություն կտրամադրվի»,– ասված է հայտարարության մեջ։

Ըստ ԶԼՄ–ների` այժմ առանց էլեկտրականության են մնում Թբիլիսին և ևս մի քանի քաղաքներ, այդ թվում՝ Օզուրգեթին, Փոթին և Ռուսթավին: Դադարեցվել է մետրոյի աշխատանքը և գնացքների երթևեկությունը: Վրաստանի մայրաքաղաքի որոշ շրջաններում ջրամատակարարման խնդիրներ են առաջացել պոմպակայանի էլեկտրազրկման պատճառով: