Թուրքական լիրան իններորդ օրն անընդմեջ ընկնում է ՆԱՏՕ-ի ներսում ստեղծված ճգնաժամի ուրվականի պատճառով

Թուրքական լիրան իններորդ օրն անընդմեջ ընկնում է ՆԱՏՕ-ի ներսում ստեղծված ճգնաժամի ուրվականի պատճառով՝ կապված երկրի նախագահ Ռեջեփ Էրդողանի՝ ՆԱՏՕ-ին Ֆինլանդիայի եւ Շվեդիայի անդամակցության առնչությամբ առարկությունների հետ, գրում է Ahval-ը։

Լիրան նվազել է 2,2 տոկոսով՝ մեկ դոլարի դիմաց հասնելով 15,889-ի։

«Կարծես թե մեծ թուրք-արեւմտյան ճգնաժամ է սպասվում Շվեդիայի եւ Ֆինլանդիայի՝ ՆԱՏՕ-ին անդամակցելու հարցում»,-ասել է Լոնդոնի BlueBay Asset Management-ի զարգացող շուկաների ավագ ստրատեգ Թիմ Էշը: 

Որոշ վերլուծաբաններ ասում են, որ Էրդողանը կարող է օգտագործել Շվեդիան եւ Ֆինլանդիան՝ ԱՄՆ-ից զիջումներ ձեռք բերելու կամ զենք գնելու համար։