Հունահռոմեականները 2-րդ օրն անընդմեջ ձախողվեցին Ստամբուլի աշխարհի առաջնությունում

84 կգ քաշային Արթուր Շահինյանը շատ կարճ պայքարեց, սկզբի մենամարտերից մեկում էլ նա լքեց գորգը` պարտվելով ավստրիացի Ամեր Հրուստանովիչին։

1/16-րդ եզրափակչի արգելքը չի կարողանում հաղթահարել նաև 60 կգ քաշային Վահան  Ջուհարյանը: Նա միավորներով պարտվեց Վենեսուելայի ներկայացուցիչ  Լուիս Իգնասիո Լիենդոյին։

Այս 2 օրերի միակ մեդալի հույսն էլ մարեց: 120 կգ քաշային Յուրի Պատրիկեևը 1/8-րդ եզրափակչում միավորներով պարտվեց կուբացի Միջայի Լոպես Նունիեսին։ Սակայն Պատրիկեևի ելույթները դրանով չավարտվեցին, մրցակիցը դուրս եկավ եզրափակիչ, և նա հնարավորություն ստացավ պայքարելու բրոնզե մեդալի համար, սակայն շվեդ Յոհան Մագնուս Էվրունի հետ պայքարում հայաստանցի ըմբիշը մնաց ձեռնունայն:

Այսօր միջազգային տատամիում մենք կտեսնենք 74 կգ քաշային Արսեն Ջուլֆալակյանին: