«88» առևտրային օբյեկտում արձանագրվել է 33 վարչական իրավախախտում

Հուլիսի 14-ին Երևանի քաղաքապետարանի աշխատակազմի հասարակական կարգի պահպանության ծառայության կողմից «88» առևտրային օբյեկտում իրականացված հսկողության արդյունքում արձանագրվել է 33 վարչական իրավախախտում։ Երևանի քաղաքապետարանից հայտնում են, թե ինչ խախտումներ են արձանագրվել. 

 16 դեպք՝ պիտանելիության ժամկետն անցած ապրանքների վաճառքի,
 11 դեպք՝ մինչև 50 միկրոն հաստության պոլիէթիլենային տոպրակների վաճառքի,
 1 դեպք՝ կառավարության կողմից սահմանված պահանջները չպահպանելու,
 3 դեպք՝ առանց համապատասխան թույլտվության ոգելից և ալկոհոլային խմիչքների վաճառքի,
 2 դեպք՝ առանց համապատասխան թույլտվության հանրային սննդի կազմակերպման համար։

 Երևանի քաղաքապետարանը շարունակելու է իրականացնել հսկողական միջոցառումներ: