Երևանը, Զելենսկուն հարթակ տրամադրելով, ծաղրել է նացիզմի դեմ պայքարած հայերի հիշատակը. Շոյգու

Ռուսաստանի Անվտանգության խորհրդի քարտուղար Սերգեյ Շոյգուն հայտարարել է, որ Վլադիմիր Զելենսկիին Մոսկվայում Հաղթանակի օրվա շքերթին սպառնալու հարթակ տրամադրելով՝ Երևանը ծաղրել է նացիզմի դեմ պայքարած հայերի հիշատակը։

«Եվ վերջապես՝ Կիևի ռեժիմին հարթակ տրամադրելը Եվրոպական քաղաքական համայնքի գագաթնաժողովում Երևանում Ռուսաստանի Դաշնությանը սպառնալու համար․ կանդրադառնամ դրան։ Պարզապես մտածեք այդ մասին. նեոնացիստական ​​Կիևի ռեժիմի առաջնորդը Երևանից սպառնացել է հարձակվել Հաղթանակի օրվա շքերթի վրա։

Սա ոչ այլ ինչ է, քան ավելի քան 1,5 միլիոն հայերի հիշատակի ծաղր, ովքեր պայքարել են նացիզմի՝ այս բացարձակ չարիքի դեմ՝ առանց իրենց կյանքը խնայելու»,- ասել է Շոյգուն։

Հիշեցնենք՝ Եվրոպական քաղաքական համայնքի գագաթնաժողովը տեղի է ունեցել Հայաստանի մայրաքաղաքում մայիսի 4-5-ը։

Զելենսկին նույնպես մասնակցել է եվրոպացի առաջնորդների հետ միասին։