Կայացավ միջազգային գիտաժողով՝ նվիրված Իվանե Ջավախիշվիլու ծննդյան 150-ամյակին

2026 թվականի ապրիլի 22-26-ը Վրաստանի մայրաքաղաքում կայացավ միջազգային գիտաժողով՝ նվիրված Թբիլիսիի պետական համալսարանի և վրացական պատմագիտական դպրոցի հիմնադիր Իվանե Ջավախիշվիլու ծննդյան 150-ամյակին։ Գիտաժողովին մասնակցեց Հայաստանի պատվիրակությունը:

Պատմության ինստիտուտի գլխավոր գիտաշխատող, ՀՀ ԳԱԱ ակադեմիկոս Աշոտ Մելքոնյանը հանդես եկավ «Իվանե Ջավախիշվիլու հայագիտական ժառանգությունը», իսկ կրտսեր գիտաշխատող Հարություն Խուդանյանը՝ «Դավիթ Շինարարի հաջորդ վրացի միապետների կերպարները 12-13-րդ դարերի հայկական աղբյուրներում» զեկուցմամբ: Գիտաժողովի ընթացքում տեղի ունեցավ նաև Իվանե Ջավախիշվիլու «Վրաստանի սահմանները» աշխատության հայերեն թարգմանության (թարգմանիչ՝ Ջեննի Թամարյան) շնորհանդեսը։ Գիտաժողովը կարևոր նշանակություն ունեցավ տարածաշրջանային պատմագիտական համագործակցության զարգացման, ինչպես նաև հայ և վրաց գիտական շրջանակների միջև մասնագիտական երկխոսության խորացման տեսանկյունից։