ՌԴ-ն հարված է հասցրել Ուկրաինայի վառելիքաէներգետիկ համալիրի օբյեկտներին. ՌԴ ՊՆ

ՌԴ զինուժը հարվածներ է հասցրել Ուկրաինայի վառելիքաէներգետիկ համալիրի օբյեկտներին, նավահանգստային և տրանսպորտային ենթակառուցվածքներին, որոնք օգտագործվում են ի շահ Ուկրաինայի զինված ուժերի։ Այս մասին հայտնել է ՌԴ պաշտպանության նախարարությունը։

«ՌԴ ԶՈւ օպերատիվ-մարտավարական ավիացիան, հարվածային անօդաչուները, հրթիռային ուժերը և հրետանին հարվածել են Ուկրաինայի վառելիքաէներգետիկ օբյեկտներին, նավահանգստային և տրանսպորտային ենթակառուցվածքներին, որոնք օգտագործվում են ի շահ Ուկրաինայի զինված ուժերի, ինչպես նաև հեռահար անօդաչուների հավաքման և գործարկման վայրերին ու Ուկրաինայի զինված ուժերի և օտարերկրյա վարձկանների ժամանակավոր տեղակայման կետերին 147 շրջաններում», – ասվում է հաղորդագրության մեջ։