Ռուսական օդատիեզերական ուժերը հարված են հասցրել Իդլիբում ահաբեկիչների օբյեկտներին

Ռուսական օդատիեզերական ուժերի ինքնաթիռը հարվածել է Իդլիբի արևմուտքում գտնվող բնակավայրերին ջուր մատակարարող հիմնական կայաններից մեկին, որը դարձել է անօգտագործելի։

Սիրիական ահաբեկիչ-ընդդիմության տվյալներով՝ ռուսական Սու-34 կործանիչը հունվարի 2-ին՝ Թուրքիայի ժամանակով 12:45-ին, հարվածել է Իդլիբի վարչական կենտրոնի մոտ գտնվող Արշանիի՝ ջրի բաշխման և պոմպակայանի վրա։ Հարվածի հետևանքով ջրային կայանը դարձել է ամբողջովին անօգտագործելի։

Իդլիբում Սիրիայի քաղաքացիական պաշտպանության ուժերի («սպիտակ սաղավարտներ»` Արևմուտքի կողմից հովանավորվող) տվյալներով՝ հարվածի հետևանքով վիրավորվել է մեկ խաղաղ բնակիչ։

Հիշեցնենք, որ Իդլիբը գտնվում է սիրիացի վարձկան ահաբեկիչների, ինչպես նաև Թուրքիայի օկուպացիայի տակ: