ԱՄՆ-ում ձնաբքի հետևանքով զոհերի թիվը հասել է 30-ի

ԱՄՆ-ում ձնաբքի հետևանքով զոհերի թիվը հասել է առնվազն 30-ի։ Այս մասին հայտնում է ՌԻԱ Նովոստին։

Ավելի վաղ «New York Post» թերթը հայտնել էր սառնամանիքների պատճառով առնվազն 26 մարդու մահվան մասին:

«Առնվազն 30 մահ է գրանցվել այն նահանգներում, որոնք տուժել են սաստիկ ցրտից», - ասվում է հաղորդագրության մեջ:

Լուիզիանա, Միսիսիպի, Նյու Ջերսի, Հարավային Կարոլինա և Կենտուկի նահանգներից հաղորդվում է նոր զոհերի մասին։

ԱՄՆ Ազգային օդերևութաբանական ծառայության կանխատեսման համաձայն՝ Տեխասի արևելքից մինչև Հյուսիսային Կարոլինայի տարածաշրջան սպասվում է առատ ձյուն և վտանգավոր մերկասառույց:

Առնվազն 21 նահանգում հայտարարվել է արտակարգ դրություն։ Նյու Յորքում կփակվեն հանրակրթական դպրոցները։