Չինաստանում կորոնավիրուսից բուժվածների թիվը հասել է 3996-ի, իսկ զոհերի թիվը`1016-ի

Հոնկոնգում գրանցվել է վարակի 42 դեպք, որից 1 մարդ մահացել է, Մակաոյում հիվանդների թիվը 10-ն է, որից մեկը դուրս է գրվել հիվանդանոցից, Թայվանում վարակվածների թիվը 18-ն է, որոնցից մեկը կրկին դուրս է գրվել հիվանդանոցից:

Այս պահի դրությամբ վարակվածների հետ շփման մեջ գտնված 187.7 հազար մարդ գտնվում է հսկողության ներքո:

Վերջին օրվա ընթացքում գրանցվել է վարակի 2478 նոր դեպք, հիվանդանոցներից դուրս է գրվել 716 մարդ, մահացել է 108 մարդ, իսկ ծանր վիճակում գտնվող հիվանդների թիվն աճել է 849-ով:

Հիշեցնենք, որ Չինաստանի իշխանություններն նոր տեսակի անհայտ ծագման վիրուսի համաճարակի մասին Առողջապահության համաշխարհային կազմակերպությանը տեղյակ էին պահել դեռևս դեկտեմբերի 31-ին: Համաճարակը բռնկվել է 11 մլն բնակչություն ունեցող Ուհան քաղաքում: 

Վիրուսը մեծ խուճապ է առաջացրել ոչ միայն տարածաշրջանում, այլև ամբողջ աշխարհում: Չինաստանի սահմաններից դուրս ևս վարակման դեպքեր են արձանագրվել՝ որոշ դեպքերում հանգեցնելով մահվան: