կարևոր
3199 դիտում, 1 տարի առաջ - 2022-10-31 09:58
Աշխարհ

Հնդկաստանում կամրջի փլուզման հետևանքով զոհերի թիվը հասել է 120-ի

Հնդկաստանում կամրջի փլուզման հետևանքով զոհերի թիվը հասել է 120-ի

Հնդկաստանի Գուջարաթ նահանգում կամրջի փլուզման հետևանքով զոհերի թիվը հասել է 120-ի: «ՌԻԱ նովոստի»-ն գրել է, որ այդ մասին հայտնում է AFP-ն՝ վկայակոչելով ոստիկանությանը։
Նախկինում NDTV հեռուստաալիքը հայտնել էր 91 զոհի մասին։

«Առայժմ մենք գտել ենք 120 դի, զոհերի թիվը, ամենայն հավանականությամբ, կավելանա, քանի որ որոնողական աշխատանքները շարունակվում են»,-գործակալությանը հայտնել է Մորբի քաղաքի ոստիկանապետ Պ.Դեկավադիան։

Ավելի քան 140 տարի առաջ կառուցված կամուրջը Մորբի քաղաքի մոտակայքում գտնվող Մաչու ամբարտակի վրա փակ է եղել վերջին երկու տարում և վերաբացվել է ընդամենը չորս օր առաջ՝ հոկտեմբերի 26-ին, վերակառուցումից հետո: Ավելի քան 500 մարդ, այդ թվում՝ երեխաներ, եղել են կամրջի վրա, երբ կամուրջը փլուզվել է, հայտնում է Odisha TV-ն: Կամրջի անկումից հետո ավելի քան 350 մարդ ընկել է ջուրը։

Տեսանյութը՝ տելեգրամյան ալիքում։