Մի օր էլ ասելու են՝ սխալ եք դաստիարակել ձեր տղաներին, որ հանուն հայրենիքի զոհվել են․ Վահիդ Սահակյան

«Արսենի կալանավորումը բոլորիս համար էլ սպասելի էր, ամենաակտիվ, ամենադուզը խոսող հերոսի հարազատներից մեկն է եղել»,- Գլխավոր դատախազության դիմաց լրագրողների հետ զրույցում ասաց զոհված զինծառայող Ժորա Սահակյանի հայրը՝ Վահիդ Սահակյանը: Նա ընդգծեց, որ սեփական կարծիք արտահայտելու համար մարդկանց ձերբակալում են:

«Ես այս պահին իմ կարծիքն եմ հայտնում, հիմա չեմ իմանում այդ կարծիքը կալանավորման ենթակա՞ է, թե՞ ենթակա չէ: Գալու է մի ժամանակ, որ ասելու են՝ սխալ եք դաստիարակել ձեր տղաներին, որ գնացել են հանուն հայրենիքի զոհվել: Իշխանությունների համար բոլորը մեղավոր են բացի իրենցից, բացի գերագույն գլխավոր հրամանատարից»,- նշեց նա:

Հիշեցնենք՝ զոհվածների և անհետ կորածների հարազատները բողոքի ակցիա էին  իրականացնում Դատախազության դիմաց՝ հաջակցություն կալանավորված Արսեն Ղուկասյանի։