Տարոն Չախոյանի կայքում այդ վիդեոներն ո՞ւմ միջոցով են հայտնվում՝ իհարկե քաղաքական որոշմամբ․ Գեղամ Մանուկյան

Ազգային ժողովի ամբիոնից «Հայաստան» խմբակցության պատգամավոր Գեղամ Մանուկյանը խիստ քննադատել է պետական համակարգում տվյալների պաշտպանության մակարդակը՝ բերելով կոնկրետ օրինակներ։

Նա հիշեցրել է հանգուցյալ Մհեր Սահակյանի դեպքը․
«Մհեր Սահակյանի հետ կապված միջադեպից երեք ժամ հետո Հայաստանի ամենապաշտպանված սերվերներից մեկից՝ Ազգային ժողովի սերվերից, հաքերական հարձակման արդյունքում տեսանյութը հայտնվեց մի կայքում», – ասաց պատգամավորը։

Պատգամավորը պնդեց, որ խնդիրը ոչ թե տեխնիկական անպատրաստվածության մեջ է, այլ քաղաքական որոշումների․
«Քաղաքական որոշմամբ տվյալը կարող է հայտնվել X տեղում, և նույն քաղաքական որոշմամբ այն կարող է յոթ կողպեկի տակ պաշտպանված լինել»։

Նրա խոսքով՝ եթե ստեղծվում են նոր մարմիններ ու գործակալություններ, պետք է հստակ ապահովագրություն լինի, որ անձնական ու պետական կարևոր տվյալները չհայտնվեն կասկածելի հարթակներում․
«Որտեղի՞ց ապահովագրությունը, որ Տարոն Չախոյանի կայքում հերթական տեսանյութը կամ ֆինանսական գործարքի տվյալը չհայտնվի»,- ասաց Մանուկյանը։

Մանրամասն՝ տեսանյութում։