Թեհրանում ՀՀ-ի, Իրանի և Հնդկաստանի ներկայացուցիչները քննարկել են «Խաղաղության խաչմերուկ» նախագիծը

Թեհրանում տեղի է ունեցել Հայաստանի, Իրանի և Հնդկաստանի ներկայացուցիչների հանդիպումը: Այս մասին հայտնում է Իրանի ԱԳՆ-ն։

Քաղաքական խորհրդակցությունների ընթացքում դիվանագետները քննարկել են «Հյուսիս-Հարավ» միջպետական երկաթուղու իրականացումը, Երևանի կողմից առաջարկվող «Խաղաղության խաչմերուկ» նախագիծը և իրանական Չաբահար նավահանգստի օգտագործումը։

Նշվում է նաև, որ երկրները նպատակ ունեն կազմակերպել բեռնափոխադրումներ Հնդկաստանից, Իրանից և Պարսից ծոցի երկրներից դեպի Եվրոպա՝ Ռուսաստանի միջոցով: Ի տարբերություն Սուեզի ջրանցքով անցնող ծովային ճանապարհի, երթուղին ավելի քան կիսով չափ կրճատվել է, ինչը կրճատում է տեղափոխման ժամանակն ու արժեքը: Ներկայումս «Հյուսիս-Հարավ» միջանցքը միավորում է մի քանի ազգային տրանսպորտային համակարգեր: