Ագրարային համալսարանը չի հրապարակում 2024 թ. գործունեության հաշվետվությունը

ՀՀ բուհերի` օրենքով սահմանված հիմնական սկզբունքներից են գործունեության թափանցիկությունն ու հաշվետվողականությունը: 

Yerkir.am-ը ուսումնասիրել է ՀՀ պետական բուհերի կայքերը: Կայքերում տեղադրված են գործունեության տարեկան հաշվետվությունները: Ի տարբերություն այլ բուհերի, միայն Հայաստանի ազգային ագրարային համալսարանն է, որ մինչ այժմ չի հրապարակել 2024 թ. գործունեության հաշվետվությունը: 

Ի դեպ, ոչ հաշվետվողական լինելու այս համալսարանի միակ դրվագը չէ: Համալսարանը 2021 թ. ապրիլից չի հրապարակում հոգաբարձուների խորհրդի արձանագրությունները: 

Yerkir.am-ը դիմել ԿԳՄՍ նախարար Ժաննա Անդրեասյանին և հոգաբարձուների խորհրդի նախագահ Արման Խոջոյանին պարզելու տարեկան հաշվետվությունը չհրապարակելու պատճառը: