Ագրարային համալսարանը տևական ժամանակ չի հրապարակում կառավարման մարմինների արձանագրությունները

«Բարձրագույն կրթության և հետբուհական կրթության» ՀՀ օրենքով բարձրագույն և հետբուհական մասնագիտական կրթության բնագավառում պետական քաղաքականության սկզբունքներն են թափանցիկությունն ու հրապարակայնությունը: Սակայն այս սկզբունքը անհամատեղելի է Հայաստանի ազգային ագրարային համալսարանի գործունեության հետ: Համալսարանը երկար ժամանակ արդեն չի հրապարակում կառավարման մարմինների՝ հոգաբարձուների խորհրդի, ռեկտորատի ու գիտական խորհրդի արձանագրություններն ու որոշումները:

Այսպես, հոգաբարձուների խորհրդի վերջին փաստաթղթերը հրապարակվել են 2021թ. ապրիլին, իսկ ռեկտորատի և գիտական խորհրդի փաստաթղթերը՝ համապատասխանաբար այս տարվա ապրիլին և մայիսին: