ՌԴ զինուժը ևս 3 բնակավայր է վերահսկողության տակ վերցրել. ՌԴ ՊՆ

ՌԴ զինուժի «Հյուսիս» զորախմբավորման ստորաբաժանումները վերահսկողության տակ են վերցրել Սումիի մարզի Յաբլոնովկա բնակավայրը։ Տեղեկությունը հայտնում է Ռուսաստանի պաշտպանության նախարարությունը։

Ըստ հաղորդագրության` «Արևելք» զորախմբավորման ստորաբաժանումները վերահսկողության տակ են վերցրել Դոնեցկի Կոմար բնակավայրը, իսկ «Կենտրոն» զորախմբավորման ստորաբաժանումները` Կոպտևո բնակավայրը:

Հիշեցնենք՝ 2022 թվականի փետրվարի 24-ին սկսվեց Ռուսաստանի և Ուկրաինայի միջև զինված հակամարտություն՝ Ռուսաստանի զինված ուժերի կողմից Ուկրաինայի տարածք ներխուժմամբ։ Մոսկվայի ժամանակով մոտավորապես ժամը 05:30-ին Ռուսաստանի նախագահ Վլադիմիր Պուտինը հայտարարեց Ուկրաինայի «ապառազմականացման և դենացիֆիկացման հատուկ գործողության» մասին, որից րոպեներ անց հրթիռային հարվածներ սկսվեցին Ուկրաինայի տարբեր վայրերում։ Մարտական գործողություններն ընթանում են մինչ օրս։