Ռուսական զորքը վերահսկողության տակ է վերցրել 2 բնակավայր ԴԺՀ-ում և Զապորոժիեի մարզում․ ՊՆ

Ռուսական զորքերը վերահսկողություն են սահմանել ԴԺՀ-ի Վեսյոլոյե բնակավայրի նկատմամբ։ Այս մասին հայտնում է ՌԴ պաշտպանության նախարարությունը։

««Վոստոկ» զորախմբի ստորաբաժանումները շարունակել են առաջխաղացումը դեպի հակառակորդի պաշտպանության խորքերը և ազատագրել Դոնեցկի Ժողովրդական Հանրապետության Վեսյոլոյե բնակավայրը», - ասվում է հաղորդագրության մեջ:

ՌԴ ԶՈւ-ն Ռազլիվ, Յալթա, Օտրադնոյե, Վոլնոյե Պոլե (ԴԺՀ) և Դնեպրոպետրովսկի մարզի Յանվարկսոյե բնակավայրերում պարտության է մատնել Ուկրաինայի զինված ուժերի 1-ական հետևակային, տանկային, աերոմոբիլային և տարածքային պաշտպանության 3 մեքենայացված բրիգադների կենդանի ուժին և տեխնիկային։

Հաղորդվում է նաև, որ «Դնեպր» խմբավորման ստորաբաժանումները վերահսկողության տակ են վերցրել Զապորոժիեի մարզի Լոբկովոյե բնակավայրը:

««Դնեպր» զորախմբի ստորաբաժանումների վճռական գործողությունների արդյունքում ազատագրվել է Զապորոժիեի մարզի Լոբկովոյե բնակավայրը։ Զապորոժիեի մարզի Օրեխով, Պոնյատովկա, Նիկոլսկոյե և Յանտարնոյե բնակավայրերում պարտություն են կրել Ուկրաինայի զինված ուժերի 1-ական մեխանիզացված, լեռնագրոհային, տարածքային պաշտպանության 2 և առափնյա պաշտպանության 3 բրիգադներ», - ասված է հաղորդագրության մեջ:

Հիշեցնենք՝ 2022 թվականի փետրվարի 24-ին սկսվեց Ռուսաստանի և Ուկրաինայի միջև զինված հակամարտություն՝ Ռուսաստանի զինված ուժերի կողմից Ուկրաինայի տարածք ներխուժմամբ։ Մոսկվայի ժամանակով մոտավորապես ժամը 05:30-ին Ռուսաստանի նախագահ Վլադիմիր Պուտինը հայտարարեց Ուկրաինայի «ապառազմականացման և դենացիֆիկացման հատուկ գործողության» մասին, որից րոպեներ անց հրթիռային հարվածներ սկսվեցին Ուկրաինայի տարբեր վայրերում։ Մարտական գործողություններն ընթանում են մինչ օրս։