Ռուսական զորքերը վերահսկողության տակ են վերցրել ԴԺՀ-ի և Խարկովի մարզի երեք բնակավայր

Ռուսական զինված ուժերը վերահսկողության տակ են վերցրել երեք բնակավայր՝ Խարկովի մարզի Ստրոևկան, ինչպես նաև Դոնեցկի Ժողոովրդական Հանրապետության Գնատովկան և Շևչենկո Պերվին։ Այս մասին հայտնում է Ռուսաստանի պաշտպանական գերատեսչությունը։

Նշվում է նաև, որ ՌԴ ԶՈւ-ն Խարկովի մարզի Կուպյանսկի և Գլուշչենկովոյի, Կարպովկայի, Ռեդկոդուբի և Կիրովսկի շրջաններում խոցել է երկու մեխանիզացված, մեկ մոտոհետևակային, ինչպես նաև տարածքային պաշտպանության մեկական բրիգադներ:

Հիշեցնենք՝ 2022 թվականի փետրվարի 24-ին սկսվեց Ռուսաստանի և Ուկրաինայի միջև զինված հակամարտություն՝ Ռուսաստանի զինված ուժերի կողմից Ուկրաինայի տարածք ներխուժմամբ։ Մոսկվայի ժամանակով մոտավորապես ժամը 05:30-ին Ռուսաստանի նախագահ Վլադիմիր Պուտինը հայտարարեց Ուկրաինայի «ապառազմականացման և դենացիֆիկացման հատուկ գործողության» մասին, որից րոպեներ անց հրթիռային հարվածներ սկսվեցին Ուկրաինայի տարբեր վայրերում։ Մարտական գործողություններն ընթանում են մինչ օրս։